Մաշկը մարդու մարմնի արտաքին ծածկույթն է, համարվում է մարմնի ամենամեծ օրգանը։ Այն ապահովում է օրգանիզմի կապը արտաքին աշխարհի հետ, ինչպես նաև պաշտպանում է արտաքին վնասակար ազդակներից։
Մաշկի կառուցվածքը, ինչպես նաև մաշկային զանազան հիվանդությունները ուսումնասիրող գիտությունը կոչվում է մաշկաբանություն։
Մաշկը ունի գույնի բջջներ, դրանից էլ մարդիկ լինում են թուխ կամ ցորենագույն կամ սպիտակամաշկ։ Որքան մաշկը սպիտակամաշկ է, այնքան հեշտ է արևահարվում։ Մաշկը օգնում է, որ մարմնի ջերմաստիճանը կարգավորվի։ Մաշկի վրայի փոքրիկ անցքերով քրտինքը դուրս է գալիս և գոլորշիանում։
Մաշկն ունի նյարդեր, արյունատար անոթներ։ Մաշկը համարվում է շոշոփելիքի օրգան, դրանով զգում ենք ցուրտը, տաքը, շոգը կոշտն ու փափուկը, անհարթն ու ողորկը։
Իրավիճակներ, երբ մաշկը վնասվում է՝
- կտրվածք, վնասվածք
- այրվածք
- ցրտահարություն
- արևահարություն
Փորձի՛ր հիշել առաջին բուժօգնություն կանոնները, մաշկի վնասվածքներից ո՞ր դեպքու, ի՞նչ պետք է անել։